Britaniyada yəhudilərin ən böyük nümayəndəlik orqanı olan Yəhudi Deputatlar Şurasının 36 üzvü Qəzza müharibəsi ilə bağlı İsraili tənqid edən məktuba imza atdıqları üçün intizam cəzası ilə üzləşib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
İsrailin Qəzzaya hücumları 18-ci ayına girərkən, Britaniya yəhudi icması daxilində fikir ayrılıqları dərinləşir.
Yəhudi Deputatlar Şurası bu yaxınlarda verdiyi açıqlamada açıq məktubu imzalayan 36 üzvün "çox sayda şikayət" səbəbiylə şikayət proseduruna məruz qaldığını açıqlayıb.
İdarə Heyətinin xarici əlaqələr bölməsinin vitse-prezidenti Harriett Qoldenberq istintaqa qədər tutduğu vəzifədən uzaqlaşdırılıb.
Qoldenberqə istintaq başa çatana qədər idarə heyətindəki vəzifəsini tərk etməsi barədə də xəbərdarlıq edilib.
