2022-ci ildə İsveçli bir məmur, ölkənin Baş naziri Ulf Kristerssonun Türkiyəyə səfərindən sonra Stokholm-Arlanda hava limanının tualetində NATO-ya üzvlüklə bağlı sənədləri unudub.
"Operativ Məlumat Mərkəzi-OMM" xəbər verir ki, bu barədə Dagens Nyheter məlumat yayıb.
Nəşrin bildirdiyinə görə, Türkiyə ilə NATO-ya üzvlüklə bağlı danışıqlara dair sənədlərin olduğu qovluq barədə təhlükəsizlik şöbəsinə məlumatı elə həmin məmurun özü verib.
İsveç hökuməti təmizləyici tərəfindən tualetdə tapılan sənədlərin məxfi sənədlər olmadığını bildirib.
Bununla belə, qəzet qeyd edir ki, NATO-ya üzvlüklə bağlı işlər ciddi məxfilik şəraitində aparılıb və danışıqlarda yalnız məhdud sayda şəxs iştirak edib.
Bundan əvvəl Almaniyanın
“Der Spiegel” nəşri 1994-cü ildə ABŞ və Rusiya prezidentləri Bill Klinton və Boris Yeltsinin Rusiyanın NATO-ya üzv olması məsələsini ciddi şəkildə müzakirə etdiklərinə dair gizli sənədləri dərc etmişdi. Lakin Avropa ölkələri, xüsusən Almaniya, bu ideyaya qarşı çıxmışdı.
