Moldova Xarici İşlər Nazirliyi Kişinyovun Rusiya ilə mədəniyyət mərkəzlərinin yaradılması və fəaliyyəti ilə bağlı hökumətlərarası sazişə xitam verdiyini açıqlayıb.
"Operativ Məlumat Mərkəzi-OMM" xəbər verir ki, Moldova Xarici İşlər Nazirliyi bunun birtərəfli qaydada həyata keçirildiyini vurğulayıb.
Xarici İşlər Nazirliyi 1998-ci ildə imzalanmış Moldova-Rusiya Mədəniyyət Mərkəzlərinin yaradılması və fəaliyyəti haqqında Hökumətlərarası Sazişin birtərəfli qaydada ləğv edilməsi barədə qərar qəbul edib.
Bildirilib ki, müqaviləyə xitam verilməsi proseduru başa çatdıqdan sonra Moldovadakı Rus Mədəniyyət Mərkəzinin fəaliyyəti dayandırılacaq.
