Rusiyanın xarici işlər naziri Sergey Lavrov çinli həmkarı Vanq Yi ilə görüşündə Rusiya-Çin sammitinin may ayında baş tutacağını açıqlayıb.
"Operativ Məlumat Mərkəzi-OMM" xəbər verir ki, bu barədə Rusiya XİN bəyanat yayıb.
Xarici İşlər Nazirliyinin sözçüsü bildirib ki, görüşün məqsədi sammitə hazırlıq olub. O, iki ölkə arasında əlaqələrin inkişafını da müsbət qiymətləndirib.
Lavrov deyib: "Prezident Putin və Prezident Si Cinpin arasında aparılan danışıqlar ikitərəfli münasibətlərimizin inkişafına həmişə güclü təkan verir. İki liderin sayəsində əlaqələrimiz görünməmiş səviyyəyə çatıb və bütün sahələrdə dinamik inkişaf etməyə davam edir".
Xarici işlər naziri sammitin harada keçiriləcəyi ilə bağlı məlumat verməyib.
