Afət Ziyadqızı
Madaqaskar Prezidenti Andri Rajoelina ölkədə etirazların və hərbi qiyamın onun devrilməsi ilə nəticələnə biləcəyindən narahat olduğu üçün Antananarivodan təxliyə edilib.
"Operativ Məlumat Mərkəzi-OMM" xəbər verir ki, bu barədə RFI məlumat yayıb.
Nəşrin məlumatına görə, siyasətçi Fransanın hərbi təyyarəsi ilə ölkəni tərk edib. Bundan əlavə, Rajoelinanın təxliyəsi Fransa Prezidenti Emmanuel Makron ilə əvvəlcədən razılaşdırılıb.
Sentyabrın sonunda adada su və elektrik enerjisinin verilişində fasilələr yarandığı üçün iğtişaşlar yaranıb. Sosial media vasitəsilə təşkilatlanaraq Antananarivo və digər böyük şəhərlərin sakinləri elektrik enerjisi və su təchizatı tələbi ilə nümayişlər keçiriblər. Bu fonda Rusiya səfirliyi rusiyalı turistlərə vəziyyət normallaşana qədər səyahət etməməyi, adada olanlara isə həddindən artıq ehtiyatlı olmağı və insanların sıx olduğu yerlərdən uzaq durmağı tövsiyə edib.
