Afət Ziyadqızı
Macarıstan NATO-ya üzv bir sıra ölkələrin Rusiyanın MiQ-31 qırıcılarının Estoniyanın hava məkanını pozması ilə bağlı bəyanatlarından narahatdır.
"Operativ Məlumat Mərkəzi-OMM" xəbər verir ki, bu barədə Macarıstanın xarici işlər naziri Peter Siyarto TASS-a bildirib.
"Bəli, biz bu münaqişənin daha da genişlənməsinə səbəb ola biləcək hadisələrdən tamamilə narahatıq. Əvvəldən, üç il yarım əvvəl biz çox açıq şəkildə bildirdik ki, ən pis ssenari NATO və Rusiya arasında birbaşa qarşıdurma olacaq", - deyə departament rəhbəri bildirib.
Siyarto əlavə edib ki, NATO ilə Rusiya arasında birbaşa qarşıdurma münaqişənin alovlanması riski ola bilər. Onun sözlərinə görə, Macarıstan hakimiyyəti belə bir inkişafı istəmir.
