Litva hökuməti müharibə olacağı təqdirdə kütləvi evakuasiya planı hazırlayacaq.
"Operativ Məlumat Mərkəzi-OMM" xəbər verir ki, bu barədə Respublika Daxili İşlər Nazirliyinin mətbuat xidməti məlumat yayıb.
“Litvanın müxtəlif nazirlikləri və idarələri hərbi münaqişə zamanı mülki əhalinin kütləvi təxliyəsi üçün planlar hazırlayır”, - məlumatda deyilir.
Portalın məlumatına görə, Litvanın Daxili İşlər Nazirliyi, Müdafiə Nazirliyi və Nəqliyyat Nazirliyi milli böhrana cavab mərkəzi ilə birgə insanların təxliyəsi üçün bu planı hazırlayır.
Planın bir hissəsi olaraq, bələdiyyə orqanları əhalinin dörddə birinə qədər köçürülməlidir. Əlillərlə yanaşı, hamilə qadınlar və azyaşlı uşaqları olan ailələrə üstünlük veriləcək.
