Rusiyanın xarici işlər naziri Sergey Lavrov Qərb ölkələrini martın 11-də Ukrayna pilotsuz təyyarələrinin Rusiyanın mərkəzinə genişmiqyaslı hücumuna cavab vermədiklərinə görə tənqid edib.
"Operativ Məlumat Mərkəzi-OMM" xəbər verir ki, "Channel one"-a müsahibəsində o, hadisənin Kiyevin atəşkəsə hazır olması barədə bəyanatlarından dərhal sonra baş verdiyini bildirib.
"Ukrayna Moskvaya və bölgəyə hücumlar da daxil olmaqla rekord sayda 340 PUA göndərib. Atəşkəs yenicə razılaşdırılsa da, Qərb hər şeyə göz yumdu", - Lavrov qeyd edib.
Ukrayna Silahlı Qüvvələrinin hərəkətlərini heç bir ölkənin qınamadığını vurğulayan rəsmi bunun ikili standart olduğunu düşündüyünü vurğulayıb.
