Rusiyanın xarici işlər naziri Sergey Lavrov İranın xarici işlər naziri Abbas Əraqçi ilə telefon danışığı aparıb.
"Operativ Məlumat Mərkəzi-OMM" xəbər verir ki, bu barədə Rusiya diplomatik departamentinin saytı məlumat yayıb.
Söhbət zamanı Lavrov vurğulayıb ki, Moskva İsrailin İran İslam Respublikasına qarşı BMT Nizamnaməsinə və beynəlxalq hüquqa zidd olaraq hərbi əməliyyatını pisləyir.
“İranın nüvə proqramı ətrafında yaranmış vəziyyəti nizamlamağa və İranla İsrail arasında münaqişənin deeskalasiyası üçün səyləri asanlaşdırmağa hazır olduqları təsdiqlənib”, - nəşr yazır.
Lavrov və Əraqçi həmçinin Yaxın Şərqdə münaqişələrin eskalasiyası məsələsi üzrə təmasları davam etdirmək barədə razılığa gəliblər.
