Afət Ziyadqızı
ABŞ prezidentinin xüsusi nümayəndəsi Keyt Kelloq ümid edib ki, Ukraynanın avqustun 24-də qeyd olunan növbəti Müstəqillik Günü sülh dövründə keçiriləcək.
"Operativ Məlumat Mərkəzi-OMM"xəbər verir ki, onun sözlərini RBC-Ukrayna sitat gətirib.
Onun sözlərinə görə, bütün tərəflər sülh prosesi üzərində "çox ciddi işləyirlər". Kelloq həmçinin ümid edib ki, yaxın gələcəkdə “təhlükəsizlik zəmanətlərinə nail olmaq” mümkün olacaq və onlar üzərində iş davam edir.
Trampın xüsusi nümayəndəsi Ukraynanın İkinci Dünya Müharibəsindən sonra Avropada ən böyük münaqişənin yaşandığına da diqqət çəkib.
"Dağıdıcılıq və dağıntıların miqyası, bu hərəkətlərin vurduğu zərər haqqında da düşünün. Prezident Tramp məhz bundan danışır. O, həqiqətən də qeyri-adi insandır, sülh tərəfdarıdır. Mən həqiqətən ümid edirəm ki, növbəti Müstəqillik Günü bayram olacaq və bu, Ukraynanın azad, dinc olduğu bir bayram olacaq", - Kelloq deyib.
