Kanadanın paytaxtı Ottava şəhərində çərşənbə günü gecə saatlarında baş verən atışmada dördü uşaq olmaqla, altı nəfər ölüb.
"Operativ Məlumat Mərkəzi-OMM"-in məlumatına görə, bu barədə “CTV News” məlumat yayıb.
Ottavanın mərkəzindən təxminən 15 kilometr cənubda yerləşən Palmadeo Drive yaxınlığında yerləşən evdə baş verən atışmada 6 nəfər ölüb, 1 nəfər yaralanıb. Yaralı xəstəxanaya çatdırılıb. Ölənlərin şəxsiyyətinin hələlik təsdiqlənmədiyi və araşdırmaların davam etdiyi bildirilir.
Polisin şəxsiyyətini müəyyən etmədiyi bir kişi də hadisə yerində saxlanılıb.
