Kamboca və Tailand atəşkəs barədə razılığa gəlib.
"Operativ Məlumat Mərkəzi-OMM" xarici mediaya istinadən xəbər verir ki, bunu Malayziyanın Baş naziri Ənvər İbrahim bildirib.
Onun sözlərinə görə, atəşkəs 24 saat ərzində qüvvəyə minəcək.
"Kamboca və Tailand bu gün yerli vaxtla gecə yarısından etibarən 24 saat ərzində qüvvəyə minəcək qeyd-şərtsiz atəşkəslə bağlı ümumi anlaşmaya nail olub", - baş nazir qeyd edib.
Qeyd olunub ki, hər iki ölkənin nümayəndə heyətləri arasında Kuala-Lumpurda aparılan danışıqlar bir neçə saat davam edib.
***
Malayziyada Tailandın baş naziri vəzifəsini icra edən Phumtham Veçayaçay və Kamboca hökumətinin başçısı Hun Manet arasında sərhəd münaqişəsinin həlli ilə bağlı danışıqlar başlayıb.
"Operativ Məlumat Mərkəzi-OMM" xəbər verir ki, bu barədə Asiya KİV-i məlumat yayıb.
Bildirilib ki, görüş Putracayya şəhərində keçirilir.
