İtaliya Avropa Birliyinin Aspides (Qalxanlar) missiyası çərçivəsində Husilərin yük gəmilərinə hücumlarının gücləndiyi Qırmızı dənizə gəmi və təyyarə göndərməyi planlaşdırır.
"Operativ Məlumat Mərkəzi-OMM" xəbər verir ki, bu barədə ölkənin müdafiə naziri Gido Krosetto bildirib.
Nazirin sözlərinə görə, missiyanın baş heyəti Yunanıstanda (Larissa) yerləşəcək. Bu plan həm də parlamentin təsdiqini və əlavə maliyyə tələb edəcək.
Krosetto, Husilərin Qırmızı dənizdəki hücumlarının Avropa iqtisadiyyatını sarsıtdığını, bölgədəki gəmi trafikinin 38 faiz azalmasına, daşıma müddətlərinin 10-12 gün artmasına və Aralıq dənizinin marjinallaşma riskinə səbəb olduğunu vurğulayıb.
