İsrailin Qəzza zolağına bir saatdan az bir müddətdə həyata keçirdiyi üç hava hücumu nəticəsində azı 48 nəfər həlak olub.
"Operativ Məlumat Mərkəzi-OMM" xəbər verir ki, bu barədə Əl-Cəzirə telekanalı məlumat yayıb.
Qəzzanın mərkəzi hissəsindəki Nuseyrat rayonundakı Birləşmiş Millətlər Təşkilatının məktəbində azı 25, Qəzzanın cənubunda Xan Yunusda 18, bölgənin şimalında Beyt Lahiyada isə 5 nəfər həlak olub.
Əl-Cəzirə İsrailin Qəzzaya qarşı hərbi əməliyyatlara başladığı gündən bəri əksəriyyəti qadın və uşaq olmaqla 38 min 713 fələstinlinin öldürüldüyünü, 89 mindən çox insanın isə yaralandığını bildirir.
