İsrailin basqın etdiyi xəstəxanada 3 uşaq oksigen çatışmazlığından həyatını itirib

İsrail ordusunun bir neçə gündür Qəzza zolağında mühasirədə saxladığı və bu gün basqın etdiyi Kemal Advan xəstəxanasında oksigen çatışmazlığından 3 gündə 3 uşaq həyatını itirib.

"Operativ Məlumat Mərkəzi-OMM" xarici KİV-ə istinadən xəbər verir ki, bu barədə Kemal Advan Xəstəxanasının direktoru Əhməd əl-Kahlut məlumat verib.

Xəstəxanada 60 yaralı, 12 uşaq, 100 tibb işçisi və inzibati heyət və 3 mindən çox məcburi köçkünün olduğunu bildirən Kahlut, “Biz əvvəllər Beynəlxalq Qızıl Xaç Komitəsi ilə əlaqə saxladıq və vəziyyəti bildirdik, lakin bizə onların hərbi əməliyyatların aparıldığı ərazilərə çata bilmədiklərini bildirdilər”,- deyə qeyd edib.