Rusiya və İran arasında hərbi əməkdaşlıq İsrail üçün həyəcan təbili çalır, çünki Tehran “dünya nizamının sabitliyini pozan potensial mənbədir”.
"Operativ Məlumat Mərkəzi-OMM" xəbər verir ki, bu sözləri Şimal və Cənubun bərpası naziri, Knessetin deputatı Zeev Elkin deyib.
Onun sözlərinə görə, İran İslam Respublikasının rəsmiləri Yaxın Şərqdə bir çox terror təşkilatlarına dəstək verir.
"Biz inanırıq ki, İranın güclənməsi məhdud gücə malik dini fanatiklər tərəfindən idarə olunduğu müddətcə, ilk növbədə region üçün çox təhlükəlidir. Həm də təkcə region üçün deyil",- deyə Elkin bildirib.
İranın Moskvadakı səfiri Kazım Cəlali bildirib ki, İran İslam Respublikası Müdafiə Nazirliyinin rəhbəri Əziz Nəsirzadə rusiyalı həmkarı Andrey Belousov ilə görüşüb və görüşün mövzusu ikitərəfli hərbi əməkdaşlığın gücləndirilməsidir.
