İspaniyanın Baş naziri Pedro Sançes Avropa İttifaqına (Aİ) 2026-cı ildən etibarən daimi yaz vaxtına keçməyi təklif edəcək.
"Operativ Məlumat Mərkəzi-OMM"-in xəbərinə görə, sosial media platformasında yayımlanan video bəyanatında Sançes bildirib ki, saatların ildə iki dəfə dəyişdirilməsi artıq mənasızdır.
"Bu, enerjiyə qənaət etməyə yardım etmir, insanların sağlamlığı və həyatına mənfi təsir göstərir", - deyə o qeyd edib.
Hökumət rəsmisi əlavə edib ki, vaxt dəyişikliyinə son qoyulması tələbi Aİ-nin 27 üzv ölkəsinin nazirlərinin iştirakı ilə keçiriləcək Nəqliyyat, Telekommunikasiya və Enerji Şurasında rəsmi şəkildə qaldırılacaq.
Sosial sorğulara görə, İspaniya vətəndaşlarının 66%-i daimi yaz vaxtına keçidi dəstəkləyir.
Qeyd edək ki, Türkiyə 2016-cı ildə daimi yaz saatına keçib.
