Türkiyə Hərbi Hava Qüvvələri İraqın şimalında PKK-ya məxsus 15 hədəfi məhv edib.
"Operativ Məlumat Mərkəzi-OMM" xəbər verir ki, bu barədə Türkiyə Milli Müdafiə Nazirliyi məlumat yayıb.
Hava əməliyyatı Metina, Qara, Hakurk və Qəndil bölgələrində həyata keçirilib.
Bundan əvvəl Türkiyə kəşfiyyatı Süleymaniyyə şəhərində PKK-nın liderlərindən biri İslam Cehanferini zərərsizləşdirib. O, İraq və Suriyada terror təşkilatının tərkibində fəaliyyət göstərib.
Qeyd edək ki, 2023-cü il dekabrın 24-də Türkiyənin milli müdafiə naziri Yaşar Gülər İraqın şimalında "Pençe-Kilit" əməliyyatı zamanı öldürülən terrorçuların sayının 30-a çatdığını açıqlayıb.
