Limon ixracına qoyulan məhdudiyyətlərin aradan qaldırılmasından sonra bütün gözlər bu məhsulun xarici ticarətinə çevrildi və İraq son illərdə türk limonunu ən çox tələb edən ölkə olaraq Rusiyanı geridə qoyub.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Ticarət Nazirliyi ilə Kənd Təsərrüfatı və Meşə Nazirliyi tərəfindən edilən qiymətləndirmə çərçivəsində Adana, Mersin və Hatayda yaşanan şaxta hadisələri ilə əlaqədar daxili tələb və təklif tarazlığını qorumaq üçün limon ixracı müvəqqəti olaraq dayandırılıb.
Bu inkişafın ardınca limon sektoru nümayəndələrinin tələb və gözləntiləri qiymətləndirilib və sözügedən məhsulun ixracına qoyulan məhdudiyyət aradan qaldırılıb. Ölkədə qiymət tarazlığına nəzarət ediləcəyi də vurğulanıb.
