İordaniya Qəzzaya ümumilikdə 17 yardım təyyarəsi göndərib

İordaniya İsrailin hücumları başladığı 7 oktyabrdan bəri Qəzza zolağına 17 yardım təyyarəsi göndərib.

"Operativ Məlumat Mərkəzi-OMM" xəbər verir ki, bu barədə İordaniya Haşimiyyə Xeyriyyə fondu açıqlama verib.

Açıqlamada Qəzzaya göndərilən yardım təyyarələrində tibbi ləvazimat, dərman, qida, uşaq qidası və paltar kimi ehtiyacların daşındığı bildirilib.

Qəzza zolağına yardım təyyarələri ilə yanaşı, 286 ton ərzaq, hazır yemək, humanitar yardım və geyim daşıyan yük maşınlarının da göndərildiyi vurğulanıb.