İordaniya İsrailin intensiv hücumlarına məruz qalan Qəzza zolağında 569 iordaniyalıdan 209-nun təxliyə edildiyini açıqlayıb.
"Operativ Məlumat Mərkəzi-OMM" xəbər verir ki, bu barədə İordaniya Xarici İşlər Nazirliyindən məlumat verilib.
Açıqlamaya görə, Xarici İşlər Nazirliyində qeydiyyatda olan və Qəzzada yaşayan iordaniyalıların sayı 569 nəfərdir. Onlardan 209-u Rəfah Sərhəd Qapısından Qahirəyə təxliyə edilib, 53-ü isə İordaniyaya çatıb.
Xatırladaq ki, İordaniya noyabrın 1-də Qəzzadakı vətəndaşlarının Misir vasitəsilə təxliyə olunmağa başladığını elan edib.
