İngiltərədə 134 millət vəkili və lord İsraili silah satışını dayandırmağa çağırıb

İngiltərədə toplaşan 134 deputat və lord İsrailə silah satışının dayandırılmasını tələb edən məktubu İngiltərənin xarici işlər naziri Devid Kemerona çatdırıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Məktubda “Birləşmiş Krallığın İsrailə silah ixrac etməsi qəbuledilməzdir” ifadəsi yer alıb.

Britaniya İşçi Partiyasının deputatı Zarah Sultana məktubla bağlı açıqlamasında, “İsrailin hərbi cinayətlərinə ortaq olmamalıyıq. Ancaq İsrail Qəzzada Britaniya istehsalı olan silahlardan istifadə edir və hökumətimiz hələ də ona silah satır”,- deyə bildirib.