HƏMAS və İsrail arasında aparılan danışıqlarda vəziyyət necədir?

HƏMAS-ın yüksək rütbəli rəsmisi Taher əl-Nunu bildirib ki, onun qrupu ilə İsrail arasında girov və məhbus siyahılarının mübadiləsi həyata keçirilib. Bu addım, Misirdə davam edən atəşkəs danışıqları fonunda baş verib və potensial razılaşmanın ilkin mərhələsi hesab olunur.

"Operativ Məlumat Mərkəzi-OMM" xəbər verir ki, bu barədə ''The Guardian'' məlumat yayıb.

Qəzetin məlumatına görə, Qəzza zolağında atəşkəs əldə olunacağı təqdirdə, siyahıda yer alan girovların azad olunması nəzərdə tutulur.

Taher əl-Nunu danışıqlarla bağlı nikbinlik ifadə edərək, HƏMAS-ın müsbət münasibət göstərdiyini və razılığa gəlmək üçün real istək nümayiş etdirdiyini bildirib.