Türkiyənin xarici işlər naziri Hakan Fidan 13–14 avqust tarixlərində Qətərə səfər edəcək.
"Operativ Məlumat Mərkəzi-OMM" xəbər verir ki, bununla bağlı Türkiyə KİV məlumat yayıb.
Bildirilib ki, Fidanın Qətərdə keçirəcəyi görüşlərdə Türkiyə ilə Qətər arasında hər sahədə inkişaf edən strateji tərəfdaşlıq və gələcək dövr üçün yeni əməkdaşlıq mövzularının müzakirə olunması gözlənilir.
Bu il Qətərin paytaxtı Dohada keçirilməsi planlaşdırılan və Türkiyə Prezidenti Rəcəb Tayyib Ərdoğan ilə Qətər Əmiri Şeyx Təmim bin Həməd Al Saninin sədrliyi ilə baş tutacaq Yüksək Strateji Komitənin 11-ci iclasına hazırlıqların da müzakirə olunacağı gözlənilir.
Görüşlərdə, əsasən Qəzza və Suriya olmaqla, regional məsələlər ətrafında məsləhətləşmələrin aparılması da nəzərdə tutulur.
Həmçinin Fələstinin tanınması ilə bağlı beynəlxalq ictimaiyyət tərəfindən atılan son addımların dəyərləndirilməsi gözlənilir.
