ABŞ, Kanada, Almaniya, Fransa, İtaliya, Yaponiya və Böyük Britaniyanın da daxil olduğu G7 ölkələrinin xarici işlər nazirləri Sudanda üçüncü ilinə qədəm qoyan münaqişəyə dərhal son qoymağa və atəşkəs əldə etməyə çağırıblar.
"Operativ Məlumat Mərkəzi-OMM" xəbər verir ki, bu barədə ABŞ Dövlət Departamenti G7 xarici işlər nazirləri və Avropa İttifaqı (Aİ) birgə bəyanat yayıb.
Bəyanatda Sudanda davam edən qarşıdurma və insan haqlarının pozulması pislənərək, ölkədəki humanitar problemlər və köçkünlüyə, xüsusilə qadın və uşaqların üzləşdiyi çətinliklərə diqqət çəkilib.
Həmçinin, toqquşmaların dərhal dayandırılması tələb edilib və mülki əhalinin müdafiəsi və bölgələrdən təhlükəsiz keçidin təmin edilməsinin vacibliyi vurğulanıb.
Bəyanatda deyilir: “Mülki əhalinin aclıqdan öldürülməsinin müharibə üsulu kimi istifadə edilməsinə dair xəbərlər narahatedicidir və bu cür hərəkətlər beynəlxalq hüquq çərçivəsində qadağandır”.
