Fransanın Baş naziri Fransua Bayru istefa verib
"Operativ Məlumat Mərkəzi-OMM" xəbər verir ki, bu barədə''France 24'' telekanalı məlumat yayıb.
Məlumata görə, Bayru sentyabrın 9-da Parisdə yerləşən Yelisey Sarayına gələrək istefa ərizəsini Prezident Emmanuel Makrona təqdim edib.
ABŞ-nin ''The New York Times'' nəşri yazır ki, yeni baş nazirin tapılmasında yaşanan çətinliklər Prezident Makronun siyasi mövqeyini daha da zəiflədə bilər. Hətta iddia olunur ki, bu vəziyyət Makronun özü üçün də istefa təzyiqlərini artırıb.
Xatırladaq ki, Fransua Bayru Fransanın siyasi həyatında uzun illər aktiv rol almış, müxtəlif hökumətlərdə vəzifə tutmuş təcrübəli siyasətçidir.
