Fransada Millət vəkili Artur Delaport istifadəçilərin həyatını təhlükəyə atdığı səbəbilə "TikTok"u hüquqi şikayət edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Uşaqlar üzərində "TikTok"un psixoloji təsirlərini araşdıran Parlament Komissiyasının sədri olan Delaport, "X" sosial media platformasında etdiyi paylaşımda "TikTok"un neytral bir platform olmadığını bildirib.
Delaport "TikTok" barədə belə deyib: "Bu, diqqəti cəlb etmək, istifadəçiləri bəzən problemli və az nəzarət olunan məzmunların qapalı dövrəsinə salmaq və bunu pula çevirmək üçün hazırlanmış dəhşətli bir alqoritm maşınıdır".
"TikTok"un sisteminin təhlükələrindən xəbərdar olmasına baxmayaraq tətbiqinə davam etdiyini bildirən Delaport, platformanın 18 yaşdan kiçiklər üçün canlı yayımı və fərdiləşdirilmiş alqoritmləri qadağan etməsini,
istifadəçilərin ruhi sağlamlığına vurduğu ziyanın məsuliyyətini daşımasını təklif edib.
