Fransa və Böyük Britaniya Ukraynaya əsgər göndərmək şərtlərini açıqladılar

Böyük Britaniya və Fransa ABŞ-nin dəstəyi olmadan Ukraynaya qoşun göndərmək niyyətində deyillər.

“Operativ Məlumat Mərkəzi-OMM” xəbər verir ki, bu barədə “Financial Times” qəzeti mənbələrə istinadən məlumat yayıb.

Adı açıqlanmayan Aİ rəsmisinin sözlərinə görə, “ABŞ olmadan bunların heç biri baş verməyəcək… ABŞ Prezidenti Donald Trampın mövqeyi hələ də bəlli deyil”.

Nəşrdə qeyd olunur ki, Böyük Britaniyanın Baş naziri Keir Starmer və Fransa Prezidenti Emmanuel Makronun ABŞ Prezidenti Donald Trampla hansı mövzuda razılıq əldə etmək istədiyi dəqiqləşdirilmir. Belə ki, onların yalnız Avropa qoşunlarının Ukraynaya göndərilməsinə dəstək almaq, yoxsa ABŞ qoşunlarının da bu prosesə cəlb olunacağına dair vəd əldə etmək niyyətində olub-olmadığı məlum deyil.