Fransa tərəfdaşları ilə birgə ABŞ-ın Qrenlandiyanı ələ keçirmək təhdidlərinə həyata keçirəcəyi hal üçün tədbirlər planı üzərində işləyir.
"Operativ Məlumat Mərkəzi-OMM" xəbər verir ki, bu barədə “Reuters“ Fransanın xarici işlər naziri Jan-Noel Barroya istinadən məlumat yayıb.
Barro qeyd edib ki, ABŞ-ın Qrenlandiyanı ələ keçirməsi halı üçün hazırlanacaq plan bu gün Parisdə baş tutacaq Almaniya və Polşa xarici işlər nazirlərinin görüşündə müzakirə olunacaq.
Nazirin sözlərinə görə, avropalılar Qrenlandiya məsələsində ehtiyatlı olmalı və ABŞ-dan gələn bəzi səs-küylü bəyanatları şişirtməməlidirlər. Eyni zamanda, Barro vurğulayıb ki, hərbi müdaxilə ABŞ tərəfindən dəstəklənən yanaşma deyil.
“Dünən dövlət katibi Marko Rubio ilə telefon danışığı apardım. O, təsdiqlədi ki, ABŞ tərəfindən dəstəklənən yanaşma bu deyil. O, Qrenlandiyada Venesuelada baş verənlərin təkrar olunmasını istisna etdi,” – Barro bildirib.
Xatırladaq ki, ABŞ Ağ Evin mətbuat katibi Qrenlandiyanın ələ keçirilməsi üçün ABŞ Silahlı Qüvvələrinin istifadə olunmasını istisna etməmişdi.
