İsrail rəhbərliyi işğal altındakı İordan çayının qərb sahilində yerləşən Kalkilya bölgəsində fələstinlilərə məxsus 7 dönümlük torpağa əl qoymaq qərarı verib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
İsrail rəsmiləri Kalkilya şəhərinin şərqində yerləşən Cinsafut kəndindəki 7 dönümlük əraziyə əl qoyacaqlarını rəsmi şəkildə bildirib.
Qeyd olunub ki, İsrail bölgədəki iki qeyri-qanuni yaşayış məntəqəsi üçün hərbi yol salmaq planı çərçivəsində bu əraziləri ələ keçirməyə qərar verib.
Komissiyanın ilin ilk yarısına dair hesabatında isə vurğulanır ki, işğal altındakı İordan çayının qərb sahilində İsrail ordusu və fələstin torpaqlarını qəsb edən israillilər tərəfindən fələstinlilərə və onların mülklərinə qarşı 11 min 280 hücum həyata keçirilib.
Hesabatda bildirilir ki, Təl-Əviv rəhbərliyi bu müddət ərzində çıxardığı 36 fərmanla fələstinlilərə məxsus 800 dönümdən çox torpağa əl qoyub.
