Xəbər verdiyimiz kimi, mayın 1-dən başlayaraq Vaşinqtonda Azərbaycan-Ermənistan XİN başçıları arasında silsilə görüşlər keçirilir. Əsas müzakirə mövzusu isə ölkələr arasındakı sülh prosesidir.
"Operativ Məlumat Mərkəzi-OMM" xəbər verir ki, erməni mediası danışıqları onlar üçün məğlubiyyətlə başa çatmaq üzrə olduğunu yazırlar.
Belə ki, Ermənistanın nüfuzlu “Hraparak” qəzeti nazirlərin görüşü barədə geniş məqalə dərc edib. Məqalədə qeyd olunub ki, danışıqlar Ermənistan üçün mənfi nəticələrlə yekunlaşacaq.
Yazıda qeyd olunur ki, ABŞ tərəfləri münasibətlərin normallaşmasına dair saziş imzalamağa sövq etməyə çalışır. Həmçinin, Ağ ev Ermənistanı Qarabağı Azərbaycanın tərkib hissəsi kimi tanıması məcbur edir və Azərbaycana qarşı ərazi iddialarından imtina etməsini tələb edir.
