Ekvadorun cənubunda baş verən 6,7 bal gücündə zəlzələ nəticəsində azı 15 nəfər ölüb, 400-dən çox insan yaralanıb. Zəlzələnin hiss olunduğu Peruda 14 yaşlı uşaq dünyasını dəyişib.
"Operativ Məlumat Mərkəzi-OMM" xarici KİV-ə istinadən xəbər verir ki, yerli vaxtla günorta saatlarında baş verən zəlzələdə bir çox şəhərlərdə binalar dağılıb.
El Oro zəlzələdən ən çox zərər çəkən şəhərdir.12 nəfərin öldüyü cənub şəhərinin rəsmiləri dağıntılar altında insanların olduğunu bildirib.
Maçala və Kuenka şəhərləri də zəlzələdən zərər çəkən şəhərlər sırasındadır.
Zəlzələnin episentri Ekvadorun ikinci ən böyük şəhəri, təxminən üç milyon insanın yaşadığı Quayaquildən təxminən 80 km aralıda, Balao yaxınlığında qeydə alınıb.
