Əli Məmmədli
Şübhəsizdir ki, şəhərlərin gözəl görünməsində əsas faktorlardan biri də onun göydələnləridir. Bəs dünyanın ən böyük göydələnləri hansılardır?
"Operativ Məlumat Mərkəzi-OMM" dünyanın 5 ən böyük göydələninin siyahısını təqdim edir.
1. “Bürc Xəlifə” – Dünyanın ən hündür binası sayılan bu tikili Dubayda yerləşir. 2010-cu ildə istifadəyə verilən göydələnin mərtəbə sayı 163, hündürlüyü isə 828 metrdir.
2. “Əbrəc Əlbeyt” – İkinci yeri Məkkə şəhərində yerləşən 601 metr hündürlüyü olan bina tutur. 95 mərtəbəli göydələnin tikintisi 2012-ci ildə başa çatmışdır. Dünyanın ən hündür oteli, tikinti həcminə görə ən böyük binası və ən hündür saatı kimi tanınır.
3. “Taybey 101” – Tayvanın paytaxı Taipeidə tikilən göydələnin hündürlüyü 508 metrdir. 101 mərtəbəlidir və 2004-cü ildən dünyanın ən hündür ofis binası kimi tanınır.
4. “Şanxay Beynəlxalq Ticarət Mərkəzi” – Çinin Şanxay şəhərində yerləşən alış-veriş mərkəzin hündürlüyü 492 metrdir. 2008-ci ildə istifadəyə verilən bina 101 mərtəbədən ibarətdir.
5. “Beynəlxalq Ticarət Mərkəzi” – Çinin Honkonq şəhərində yerləşən binanın inşası 2010-cu ildə başa çatıb. Göydələn ticarət mərkəzi kimi istifadə olunur. Hündürlüyü 484 metr olmasına baxmayaraq mərtəbələrinin sayı 108-dir.
