İndoneziyanın Yava adasının şərqində yerləşən Semeru vulkanı püskürüb, kül sütunu təxminən min metr hündürlüyə qalxıb.
"Operativ Məlumat Mərkəzi-OMM" xəbər verir ki, bu barədə İndoneziyanın “ANTARA” agentliyi məlumat yayıb. Bildirilib ki, vulkan yerli vaxtla saat 06:07-də püskürüb.
İndoneziya Vulkanologiya və Geoloji Təhlükələrin Azaldılması Mərkəzi (PVMBG) açıqlamasında əhaliyə partlayış mərkəzindən 8 kilometr, həmçinin Besuk Kobokan çayının yaxınlığında, çay yatağından 500 metr uzaqda qalmağı tövsiyə edib.
