Afət Ziyadqızı
Aprelin 11-13-də IV Antalya Diplomatik Forumunun (ADF) keçiriləcəyi Türkiyənin Antalya şəhərində təhlükəsizlik tədbirləri ən yüksək səviyyəyə qaldırılıb.
"Operativ Məlumat Mərkəzi-OMM" xəbər verir ki, bu barədə "Hürriyet" qəzeti məlumat yayıb.
Məlumata görə, forumun keçiriləcəyi Antalya hava limanından Belekdəki Nest Konqres Mərkəzinə və iştirakçıların qalacağı otellərə qədər tədbirin bütün marşrutu boyunca təhlükəsizlik tədbirləri gücləndirilib.
Antalyada keçiriləcək forum Türkiyə prezidenti Rəcəb Tayyib Ərdoğanın himayəsi altında “Parçalanmış dünyada diplomatiyanın yenidən qurulması” şüarı altında keçiriləcək. İclasda 148 ölkədən 4800-ə yaxın nümayəndənin iştirakı gözlənilir ki, onlardan 18-i dövlət başçısı səviyyəsindədir.
