Cüdoçumuz qızıl medal qazandı

Azərbaycan cüdoçusu Turan Bayramov Tbilisidə keçirilən “Böyük dəbilqə” turnirində qızıl medal qazanıb.

"Operativ Məlumat Mərkəzi-OMM" xəbər verir ki, turnirdə 60 kiloqram çəki dərəcəsində çıxış edən idmançımız həlledici görüşdə gürcüstanlı Giorgi Sardalaşviliyə qalib gəlib.

Qadınların yarışında Gültac Məmmədəliyeva (52 kq) bürünc medal uğrunda qarşılaşmada Çin idmançısı Yeqing Zhu ilə üz-üzə gəlib. Rəqibini məğlub edən G.Məmmədəliyeva turniri üçüncü pillədə başa vurub.