"Avropa İttifaqı Amerikanın “Tomaqavk” raketlərinin tədarükünü asanlaşdırmaqla və yüksək dəqiqlikli silahları Kiyevə ötürməklə, sülh üçün siyasi iradənin olmadığını nümayiş etdirir".
"Operativ Məlumat Mərkəzi-OMM" xəbər verir ki, bu sözləri Rusiya XİN-in rəsmi nümayəndəsi Mariya Zaxarova deyib.
Diplomat əlavə edib ki, bu gün Brüsseldə Ramşteyn formatında Böyük Britaniya və Almaniyanın həmsədrliyi ilə Ukraynaya müdafiə yardımı üzrə görüş keçirilir:
"Ukrayna mətbuatının məlumatına görə, müdafiə naziri Şmihal iştirakçılara Ukraynadakı səfərbərlik haqqında yenilənmiş məlumatları təqdim etmək, həmçinin əlavə hava hücumundan müdafiə sistemlərinin ötürülməsi və Rusiyanın dərinliklərinə zərbələrin davam etdirilməsi üçün alyans tərəfindən verilən dəqiq silahların istifadəsini müzakirə etmək niyyətindədir. Bütün bunlar Qərbdə sülh üçün siyasi iradənin olmamasının daha inandırıcı sübutudur".
