“ABŞ prezidenti Donald Tramp ilə görüşmək üçün Ağ Evə gələn Volodimir Zelenskiyə Oval kabinetdə nümayiş etdirilən Ukrayna xəritəsi onun özünə gəlməsi üçün bir sillə olub”.
"Operativ Məlumat Mərkəzi-OMM" xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova deyib.
“Bu xəritə – bu təsvir – son illər tarixdən, coğrafiyadan və reallıqdan uzaq şəkildə durmadan “hər şey döyüş meydanında həll olunmalıdır”deyə təkrarlayanların ayılması üçün güclü bir sillə idi”, – Zaxarova vurğulayıb.
“Bu sillə, yəqin ki, Zelenskini sehrli şəkildə ayıltmalı idi. Məncə, onu tam şəkildə ayıltmaq çətin olacaq, amma heç olmasa silkələmək lazım idi ki, həm onun özü, həm də arxasında gizlənən və ya ondan istifadə edənlər nə qədər şey itirdiklərini, nələri uduzduqlarını, nələrin artıq əllərindən çıxdığını başa düşsünlər”, – diplomat əlavə edib.
