Yaxın 30 ildə Fransada 50°C-ə qədər anomal yüksək temperatur qeydə alına bilər.
"Operativ Məlumat Mərkəzi-OMM" xəbər verir ki, bunu Fransa Tədqiqat və İnkişaf İnstitutunun (IRD) iqlim dəyişikliyi üzrə eksperti Fransuaza Vimeux deyib.
Onun sözlərinə görə, bu cür temperatur göstəriciləri 2050-ci ilə qədər ola bilər.
Vimeux həmçinin qeyd edib ki, yay mövsümü daha uzun olacaq və iyundan sentyabr ayına qədər istilik dalğaları daha sıx və uzun sürəcək.
O vurğulayıb ki, 2040-cı ilə qədər ölkənin cənub-şərqindəki Lionda anomal yüksək temperaturlu günlərin sayı 35-ə çatacaq, halbuki ötən əsrin sonunda bu rəqəm 10-u keçməyib.
