İran lideri Əli Xamneyinin müşaviri Əli Şamxani iqtisadi sanksiyaların aradan qaldırılması şərti ilə ABŞ ilə nüvə sazişi bağlamağa hazır olduqlarını bildirib.
"Operativ Məlumat Mərkəzi-OMM" xəbər verir ki, bunuunla bağlı xarici KİV məlumat yayıb.
Şamxani ABŞ-İran nüvə danışıqları ilə bağlı qiymətləndirmələr edib.
Şamxani deyib ki, iqtisadi sanksiyaların ləğvi müqabilində İran nüvə silahı istehsal etməyəcəyini, yüksək zənginləşdirilmiş uran ehtiyatını aradan qaldıracağını, uranın mülki istifadə üçün tələb olunan daha aşağı səviyyəyə qədər zənginləşdirilməsinə razılıq verəcək və beynəlxalq müşahidəçilərin prosesə nəzarət etməsinə icazə verəcək.
Qeyd edək ki, İranın xarici işlər naziri Abbas Əraqçı mayın 16-da İstanbulda İngiltərə, Fransa və Almaniya ilə nüvə məsələsi ilə bağlı danışıqların aparılacağını bildirib.
