Afət Ziyadqızı
“Hansı formada olursa olsun, hava məkanımıza və ya torpaqlarımıza qarşı heç bir pozuntunu qəbul etməyəcəyik. Buna görə də hazırlıq yol xəritəsini gücləndirmək həyati əhəmiyyət daşıyır”.
"Operativ Məlumat Mərkəzi-OMM" xəbər verir ki, bu sözləri Avropa Komissiyasının sədri Ursula fon der Lyayen deyib.
Ursula fon der Lyayen, 23 oktyabrda keçirilən Aİ Liderlər Zirvəsində Avropanın 2030-cu ilə qədər müdafiə hazırlığına dair yol xəritəsini irəlilətmə qərarı qəbul etdiyini xatırladıb və eyni zamanda Ukraynaya güclü dəstəyin necə davam etdiriləcəyini də müzakirə etdiklərini bildirib.
Fon der Lyayen, şimal ölkələrinin bu məsələdəki dəstəyinin həyati əhəmiyyət daşıdığını vurğulayaraq deyib: "Əlbəttə, təcrübələrimiz sizin bilik və bacarıqlarınızdan bəhrələnir. Bu, şimaldakı Arktika bölgəsinin müşahidəsindən tutmuş şərqdəki aqressiv qonşunun çəkindirilməsinə qədər uzanır və bütün Avropa üçün bir bələdçi rolunu oynayır"
