Böyük Britaniyanın Baş naziri Keir Starmer Mançesterdəki sinaqoqa hücum barədə xəbərlərdən sonra Danimarkada keçirilən “Avropa Siyasi Birliyi”nin sammitini qəfil tərk edərək ölkəsinə qayıtmağa məcbur olub .
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Böyük Britaniyaya qayıtdıqdan sonra Starmer hadisə ilə bağlı hökumətin COBRA fövqəladə hallar komitəsinin iclasına sədrlik edəcək.
Qeyd edək ki, Mançesterdə naməlum şəxs sinaqoqun yaxınlığında insanlara bıçaqla hücum edib . Hücum nəticəsində iki nəfər həlak olub. Digər üç nəfərin vəziyyəti ağır olaraq qalır.
Hücumda şübhəli bilinən şəxs polis tərəfindən güllələnərək öldürülüb, lakin hüquq-mühafizə orqanları “şübhəli obyektlərin aşkarlanması ilə bağlı təhlükəsizlik baxımından” bu məlumatı təsdiq edə bilmir. Hadisə yerində bomba zərərsizləşdirmə qrupu işləyir.
