Britaniya gələcək sülh sazişinin həyata keçirilməsini təmin etmək üçün Ukrayna ərazisinə öz qoşunlarını yerləşdirməyə hazırdır.
"Operativ Məlumat Mərkəzi-OMM" xəbər verir ki, bu barədə Böyük Britaniyanın baş naziri Kir Starmer “The Telegraph” qəzetində dərc olunan məqaləsində bildirib.
"Böyük Britaniya Ukrayna üçün təhlükəsizlik zəmanətləri üzərində işin sürətləndirilməsində aparıcı rol oynamağa hazırdır".
O qeyd edib ki, bura Böyük Britaniyanın 2030-cu ilə qədər hər il 3 milyard funt sterlinq ayırmağı öhdəsinə götürdüyü Ukrayna silahlı qüvvələrinə əlavə dəstək daxildir.
Starmer Britaniya hərbçiləri üçün potensial təhlükə ilə bağlı məsuliyyətin fərqində olduğunu vurğulayıb.
“Ancaq Ukraynanın təhlükəsizliyinin təmin edilməsində hər hansı yardım bizim qitəmizin və bu ölkənin təhlükəsizliyini təmin etməyə kömək edir”, - deyə o bildirib.
