Afət Ziyadqızı
Hindistan və Braziliya ABŞ-ın tarif siyasəti çərçivəsində növbəti beş il ərzində ticarət həcmini 20 milyard dollara çatdıracaq.
"Operativ Məlumat Mərkəzi-OMM" xəbər verir ki, bu barədə "RİA Novosti" məlumat yaylb.
ABŞ prezidenti Donald Trampın rüsumlar tətbiq etməsindən sonra BRİKS tərəfdaşlarının ticarət əlaqələrini gücləndirmək niyyətini Braziliya lideri Luis İnasio Lula da Silvanın mətbuat xidməti açıqlayıb.
Da Silva ilə Hindistanın baş naziri Narendra Modi arasında telefon danışığından sonra 2030-cu ilə qədər ikitərəfli ticarətin rekord səviyyəyə çatması hədəfi açıqlanıb.
Braziliya həmçinin Hindistanı Cənubi Amerika Ümumi Bazarı (Mercosur) ilə əlaqələrini gücləndirməyə təşviq etməyi hədəfləyir. Hindistan Xarici İşlər Nazirliyi daha əvvəl bəyan etmişdi ki, ölkənin ABŞ bazarına mal tədarükünün yarıdan çoxuna birbaşa təsir edəcəyi gözlənilən əlavə tariflərin tətbiqi ədalətsiz və əsassız qorunma tədbiridir.
