Avtomat hidroloji stansiyaların mayın 19-u saat 9:00-a olan məlumatına əsasən bəzi çaylarda sululuq artıb.
Bu barədə "Operativ Məlumat Mərkəzi-OMM"-ə Milli Hidrometeorologiya Xidmətindən məlumat verilib.
Bildirilib ki, Böyük Qafqaz ərazisindən axan Qusarçayda 12 sm, Qudiyalçayda 4 sm, Kiçik Qafqaz ərazisindən axan Qabırrı çayda 2 sm və Qarabağ və Şərqi-Zəngəzur bölgəsindən axan Quruçayda 11 sm, Oxçuçayda 8 sm, Tərtərçay-Kəlbəcərdə 7 sm, Tərtərçay-Vəngdə 5 sm artım qeydə alınıb.
Transsərhəd çayı olan Qanıx-Cəlayir məntəqəsində 7 sm artıb, su sərfi 392 m3/san olmaqla normanın 193%-ni təşkil edir.
