Belarus və İranın müdafiə nazirləri hərbi əməkdaşlıq haqqında memorandum imzalayıblar.
"Operativ Məlumat Mərkəzi-OMM" xəbər verir ki, bu barədə Belarus Müdafiə Nazirliyi məlumat yayıb.
Bildirilib ki, Belarus müdafiə naziri general-leytenant Viktor Xreninin İrana rəsmi səfəri çərçivəsində bu ölkənin müdafiə və silahlı qüvvələrə dəstək naziri, briqada generalı Məhəmməd Rza Aştiani ilə görüşüb.
Tərəflər cari il üçün əməkdaşlıq planını müəyyənləşdiriblər.
Görüş zamanı tərəflər beynəlxalq gündəlikdəki aktual məsələlər ətrafında fikir mübadiləsi aparıb, həmçinin hərbi sahədə əməkdaşlığın vəziyyəti və inkişaf perspektivlərini müzakirə ediblər.
