Belarus Prezidenti: “Qərbi Ukraynanı qoparıb Polşaya birləşdirmək istəyirlər”

“Qərbi Ukrayna NATO-ya üzv olmaq adı altında Ukraynandan qoparılacaq”.

"Operativ Məlumat Mərkəzi-OMM" xəbər verir ki, bunu Belarus Prezidenti Aleksandr Lukaşenko Rusiya Prezidenti Vladimir Putin ilə görüşündə deyib.

Onun sözlərinə görə, Qərbi Ukraynanı qoparıb Polşaya birləşdirmək istəyirlər:

“Bu, polyakların Rusiya Federasiyasının qoşunlarına qarşı əməliyyatda fəal iştirakına görə ödənişdir”.

Lukaşenko bildirib ki, amerikalılar bu planı dəstəkləyir: “Minsk və Moskva üçün Qərbi Ukraynanın ayrılması qəbuledilməzdir. Əgər Qərbi Ukrayna əhalisinin dəstəyə ehtiyacı varsa, o zaman təbii ki, biz bunu dəstəkləyəcəyik”.