"Hoffenheim"ın yarımmüdafiəçisi Tom Bischoff "Bayern"in radarına düşüb.
"Operativ Məlumat Mərkəzi-OMM" "Sport Bild"ə istinadən xəbər verir ki, "Bayern" perspektivli yarımmüdafiəçi uğrunda mübarizədə "RB Leipzig", "Ayntracht Frankfurt" və "Stuttgart"ı qabaqlayır.
Futbolçunun müqaviləsi gələn ilin yayında başa çatır, ona görə də o, mövsümün sonunda azad agent kimi imzalana bilər.
Tom Bischoff bu mövsümdə "Hoffenheim"ın heyətində 16 oyuna çıxıb, bir qol və iki məhsuldar ötürmə edib.
Gənc almaniyalının dəyəri, "Transfermarkt" ekspertlərinin hesablamalarına görə, 3,5 milyon avrodur.
