Anqolanın Benguela və Lobito əyalətlərində ABŞ-ın hazırkı prezidenti Co Baydenin səfəri fonunda küçə ticarətinə qadağa qoyulub, dəfn mərasimləri təxirə salınıb, Lobitoya gedən bəzi yollar bağlanıb.
"Operativ Məlumat Mərkəzi-OMM" xəbər verir ki, bu barədə yerli “O Novo Jornal” qəzeti məlumat yayıb.
Bayden dekabrın 2-də Anqolaya gedib. Prezident hazırda ölkənin paytaxtı Luandadadır və daha sonra əyalətin liman şəhəri Lobitoya gedəcək.
Hökumət dekabrın 3-ü və 4-ü Luandada da istirahət günləri elan edib.
Səfərin məqsədi sərvətlərlə zəngin Konqo Demokratik Respublikası (DRC) və Zambiyadan Lobitoya qədər dəmir yolu xəttinin yenidən qurulması üzrə ABŞ və Avropa İttifaqının layihəsini müzakirə etməkdir.
