"Bavariya"nın yarımmüdafiəçisi Joa Palhinya Portuqaliya millisinin növbəti matçını buraxa bilər.
"Operativ Məlumat Mərkəzi-OMM" "A Bola"ya istinadən xəbər verir ki, 29 yaşlı futbolçu zədə səbəbindən məşqdən kənarda qalıb.
Hazırda yarımmüdafiəçinin vəziyyəti Portuqaliya millisinin həkimləri tərəfindən qiymətləndirilir.
Münxen təmsilçisinin Polşa millisi ilə qarşıdakı Millətlər Liqası matçında iştirakı sual altındadır.
Palhinya bu mövsüm "Bavariya"nın heyətində 13 oyuna çıxıb.
